History
ប្រវត្តិរបស់សាលាអន្តរជាតិរ៉ូយ៉ាល់អាមេរិកាំង
ប្រវត្តិរបស់យើងខ្ញុំ រឿងរបស់យើងខ្ញុំ ចាប់ផ្តើមនៅឆ្នាំ ២០០៦ ដោយក្តីស្រលាញ់ និងជួយអភិវឌ្ឍន៍ការអបរំក្នុងប្រទេសកម្ពុជា នៅពេលនោះ និសិត្យស្ម័គ្រចិត្តមកពីសាលកវិទ្យាល័យផ្សេងៗ និងមកពីស្ថាប័នចំណុះ សហការគ្នាបង្កើតកន្លែងផ្តល់សេវាអប់រំដោយឥតគិតថ្លៃជូនកុមារា កុមារី និងប្រជាជនទូទៅ ដែលមានជីវៈភាពខ្វះខាត គ្មានលទ្ធភាពសិក្សា ហើយមានបំណង់ចង់ទទួលបានចំណេះដឹងទូទៅដូចជា កម្មវិធីអក្ខរកម្មភាសាខ្មែរ ថ្នាក់ភាសាអង់គ្លេសគ្រប់កំរិត និងថ្នាក់កុំព្យូទ័រគ្រប់កម្មវិធី ដែលត្រូវបានគេហៅថា អង្គការសង្គមសេដ្ឋកិច្ចកម្ពុជា ហៅកាត់ថា សេកុង (SEKONG) ដែលមានរយះពេល ៥ឆ្នាំ នៅទីតាំង ស្ថានីយ៍វិទ្យុទន្លេ FM 102.5 Mhz ទើបក្លាយខ្លួនជា សាលាអន្តរជាតិរ៉ូយ៉ាល់អាមេរិកាំង។
សាលាអន្តរជាតិរ៉ូយ៉ាល់អាមេរិកាំង មានឈ្មោះពេញជាភាសាខ្មែរ សាលាអន្តរជាតិរ៉ូយ៉ាល់អាមេរិកាំង និងជាភាសាអង់គ្លេសថា ROYAL AMERICAN INTERNATIONAL SCHOOL ហើយអាចហៅជាឈ្មោះកាត់ថា RAIS ។ សាលាអន្តរជាតិរ៉ូយ៉ាល់អាមេរិកាំង គឺជាស្ថាប័នអប់រំឯកជនមួយ ដែលចាប់បដិសន្ធិឡើង នៅថ្ងៃទី ០១ ខែ មករា ឆ្នាំ ២០១០ និងបើកអោយដំណើរការប្រើប្រាស់ នៅថៃ្ងទី ១ ខែ ធ្នូ ឆ្នាំ ២០១០ នៅអាគារលេខ១១៥ ភូមិវិហារចិន សង្កាត់ស្វាយដង្គំ ខណ្ឌនិងក្រុងសៀមរាប អគារសិក្សានេះ មានកំពស់២ជាន់ សាងសង់ឡើងពីបេតុងអាម៉េ មានបន្ទប់រៀនចំនួន៩ បង្គន់អនាម័យចំនួន២ ហើយនៅខាងមុខមានទីធ្លា សំរាប់ដាក់កង់ ម៉ូតូ និងមានបង់សំរាប់អង្គុយលំហែកាយ បន្ទាប់ពីសំរាក់ពីការសិក្សា ។
ការបង្កើត សាលាអន្តរជាតិរ៉ូយ៉ាល់អាមេរិកាំង ក្នុងគោលបំណងរួមចំណែកបង្កើនធនធានមនុស្ស ជាមួយរាជរដ្ឋាភិបាល ដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខ ដោយវិនិយោគទៅលើវិស័យអប់រំ និងដើម្បីរួមចំណែក បំបាត់ភាពក្រីក្រនៅកម្ពុជា ដោយបានប្រសិទ្ធនាម សាលារៀននេះថា សាលាអន្តរជាតិរ៉ូយ៉ាល់អាមេរិកាំង។ សាលាអន្តរជាតិរ៉ូយ៉ាល់អាមេរិកាំង បានកំណត់យកមុខវិជ្ជា ចំណេះទូទៅខ្មែរ, ភាសាអង់គ្លេស និង កុំព្យូទ័រ ស្របតាមប្រកាសរបស់ក្រសួងអប់រំ យុវជន និងកីឡា លេខប្រកាសលេខ 1243 អយក. ប្រក. ។
មុខវិជ្ជាដែលត្រូវកំណត់យក
១. ចំណេះទូទៅភាសាខ្មែរ ពីថ្នាក់មតេយ្យ ដល់ ទីថ្នាក់ទី ៦ (កម្មវិធីក្រសួងអប់រំ)
២. ចំណេះទូទៅភាសាអង់គ្លេស ពីកំរិត ១ ដល់កំរិត ១២
៣. វគ្គបណ្តុះបណ្តាលកុំព្យូទ័រ
អាស្រយ័ដោយបានកំណត់នូវមុខវិជ្ជា ដែលត្រូវប្រកាន់យកសំរាប់អនាគត គណៈគ្រប់គ្រងរបស់យើង បានរៀបចំកម្មវិធីសិក្សាស្តង់ដាតាមគំរូឯកភាពគ្នាមួយ សំរាប់ សាលាអន្តរជាតិរ៉ូយ៉ាល់អាមេរិកាំង នៅគ្រប់ទីតាំង អនុវត្តតាមគោលការណ៍តែមួយ ថ្ងៃតែមួយ ទៅលើការប្រឡងប្រចាំខែ ប្រចាំត្រីមាស ប្រចាំឆមាស ឯកភាពក្នុងការអនុវត្តគោលនយោបាយថ្នាក់លើ បទបញ្ជាផ្ទៃក្នុង សេចក្តីណែនាំ លិខិត បទដ្ឋាន ផ្សេងៗ ថ្ងៃបើកបវេសនកាលសំរាប់ចំណេះទូទៅខ្មែរ ថ្ងៃបើកវគ្គថ្មី សំរាប់ភាសាអង់គ្លេស ឯកភាពទៅលើតំលៃសិក្សានៅគ្រប់ទីតាំង ឯកភាពទៅលើឯកសារផ្សេងៗតាមកំរិតថ្នាក់ ហើយការអនុវត្តរបស់យើងគឺព្រមៗគ្នាតាមគោលនយោបាយដឹកនាំរបស់គណៈគ្រប់គ្រង សាលាអន្តរជាតិរ៉ូយ៉ាល់អាមេរិកាំង ដែលបានដាក់ចុះ ។ ដោយមានការរីកចំរើនជាបន្តបន្ទាប់ ព្រមទាំងមានជំនឿ និងមានទំនុកចិត្តពីសំណាក់ មាតាបិតា អាណាព្យាបាលសិស្ស សិស្សានុសិស្ស សាលាអន្តរជាតិរ៉ូយ៉ាល់អាមេរិកាំង បានពង្រីកសក្តានុពលការអប់រំកាន់តែប្រសើរ ដោយគ្រប់គ្រងបច្ចេកទេសដោយបរទេស និង ខែ្មរដែលមាន បទពិសោធន៍ជាច្រើនឆ្នាំ។
សាលាអន្តរជាតិរ៉ូយ៉ាល់អាមេរិកាំង បានជំរើសគ្រូបង្រៀនល្អៗ នៅក្នុងខេត្តសៀមរាប និងមកពីទីក្រុងភ្នំពេញ ដែលមានបទពិសោធន៌បង្រៀនយ៉ាងតិច ៥ ឆ្នាំ ធ្វើអោយការសិក្សារបស់សិស្ស មានភាពរលូនទៅមុខ ដោយធានាបាននូវគុណភាពអប់រំខ្ពស់ ៕